Siglir tar il cuntegn

Header

cuntegn

Valladas talianas Concurrenza per Alessandro Della Vedova al timun da Poschiavo

Per il sez da «podestà» da la vischnanca da Poschiavo va en cursa dasper l’actual president communal er anc in segund candidat, en la persuna da Giovanni Jochum.

Sco quai che la gasetta online «Il Bernina» rapporta, ha Alessandro Della Vedova da la PCD confermà da candidar per in’ulteriura legislatura a la testa da la vischnanca da Poschiavo. Cun il deputà Giovanni Jochum da la Partida liberaldemocratica, survegn il titular d’uffizi ussa concurrenza ils 23 da settember 2018. Ils Puschlavins avevan elegì Jochum sco nov grond-cusseglier il zercladur 2018.

Per Alessandro Della Vedova ch'aveva gudagnà il cumbat electoral dal 2010 encunter Martino Luminati, signifitgass l’elecziun sco president communal da Poschiavo, la cuntinuaziun per ina terza legislatura.

Ils nums dals candidats per il cussegl communal n’èn anc betg uffizials. Il suveran da Poschiavo decida quella dumengia a l’urna tgi che vegn ad occupar ils sezs per la legislatura 2019-2022.

RR novitads 18:00

Artitgels legids il pli savens