Siglir tar il cuntegn

Valladas talianas Bregaglia decida davart 9 milliuns per nova serenera

plan da nova serenera
Legenda: Il plan orizontal da la nova serenera planisada a Stampa RTR, V.Rominger

Il project vegn a custar 9 milliuns francs, 4 milliuns finanziescha la vischnanca entras las impostas. 3 milliuns cun las taxas d'aua ed aua persa, il rest vegn repartì sin differents posts. Il chantun Grischun surpiglia radund 73'000 francs.

La nova serenera remplazza las singulas da Malögia e Vicosoprano. Percunter vegn quella a Stampa bajegiada or ed engrondida per ina capacitad da 4500 abitants. Quai dovra in bajetg 70 meters lunghezza e 30 meters largezza.

La populaziun da la Bregaglia aveva decis l'onn 2012 da far or da 3 ina serenera enstagl da sanar tuttas 3. Quellas da Malögia e Vicosoprano han numnadamain schon passa 40 onns e vegnan a la limita da prestaziun.

Uss duai la populaziun decider l’emna che vegn davart il credit da 4 milliuns francs e dal total da 9 milliuns francs. Dal 2019 avess la nova serenera lura d’esser pronta.

Cler gea al project

Cun gronda maioritad ha la populaziun da la Bregaglia ditg gea al credit. Per finanziar il project vegnan 4 milliuns finanziads dal quint current da la vischnanca durant ils onns 2015-2020.