Bregaglia – accident en muntogna

Cun vulair traversar ina passascha en la grippa è in alpinist tudestg (55) crudà il venderdi suentermezdi e sa blessà mez-grevamain. Quai communitgescha la polizia chantunala. L’alpinist era ensemen cun sia famiglia in viadi tar la chamona

Ina paraid da crap cun duas posiziuns marcadas cotschen.

Legenda da maletgs: Qua è succedida en venderdi suentermezdi la disgrazcha. PoCha

La famiglia da quatter era en tura sur il Passo di Zocca da l’Italia en Svizra vers la chamona Albigna.

Tar ina descensiun tras ina passascha da grippa enturn las 14:30 è l’um ch’era l’emprim da la gruppa crudà e sa blessà suenter ina crudada dad intgins meters. Ses confamigliars han pudì segirar el e prestar emprim agid. Cun quai che la rait da telefon na tanscheva betg fin al lieu da la disgrazia sin 2’600 meters è in dals figls partì dal lieu. Radund 30 minutas suenter l’accident ha la polizia pudì vegnir alarmada.

Silsuenter ha la Rega pudì salvar il blessà e sgular el en l’ospital a Cuira. In ulteriur helicopter ha transportà ils confamigliars a val.

RR novitads 12:00