Siglir tar il cuntegn

Valladas talianas Bondo: Situaziun da traffic sa normalisescha plaunet

La via da Castasegna a Soglio è uss er puspè averta durant la notg ed il scumond da sgular sur il territori da bova è abolì, uschia communitgescha il stab da crisa da la vischnanca Bregaglia.

Foto entrada da la fracziun Spino.
Legenda: La via da Spino a Promontogno resta serrada la notg. Keystone

Davent dad immediat è Soglio era puspè cuntanschibel la notg. La via da Soglio sur Spino a Castasegna e l’Italia saja puspè charrabla. Serrada durant la notg resta dentant la via H3 tranter Spino e Promontogno.

Plinavant è er il scumond da sgular sur il territori da bova scadì. Dapi dumengia saira èn sgols cun helicopter e dronas puspè pussaivels. La vischancna da Bregaglia recumonda dentant urgentamain da coordinar sgols cun la Polizia chantunala dal Grischun.

RR novitads 19:00