Siglir tar il cuntegn
cuntegn

Valladas talianas Avertura dal sviament Roveredo

Glindesdi a las 9.15 uras avra la cussegliera federala Doris Leuthard il nov sviament da Roveredo. Il sviament è 5'680 meters lung ed ha custà 437 milliuns francs.

Legenda: Guardar il video Roveredo avert sviament. Durada 03:21 minutas.
Or da Telesguard dals 07.11.2016.

Dapi la finiziun da l’autostrada A13 l’entschatta dals onns 70, è Roveredo stà dividì en duas parts, perquai che l’autostrada gieva d’amez tras la vischnanca. Il nov traject fa ina gronda storta enturn la vischnanca. Il toc central è il tunnel San Fedele, ch’ha ina lunghezza da 2'381 meters. Plinavant èn vegnidas construidas trais punts cun ina lunghezza totala da 326 meters. Las lavurs da construcziun han cumenzà l’onn 2007. Ussa, nov onns pli tard è il sviament pront per il traffic. Sco proxim vegn la part veglia demontada. Las lavurs duain esser a fin l’onn 2018. Suenter duai il center dal lieu vegnir concepì da nov. Co exact vegn la vischnanca da Roveredo anc a decider.

RR actualitad 07:00