Siglir tar il cuntegn

Header

cuntegn

Valladas talianas Arrestà fauss policist cun aur engulà

Al passagi dal cunfin svizzer-talian a Castasegna èn mez zercladur vegnì arrestads trais umens ch'avevan empruvà da fraudar sur il cunfin 20 barras d'aur.

Cun aur en la valita da passa 200'000 francs zuppà en l'auto han guardias da cunfin traplà trais umens a Castasegna.

L'aur aveva ina dunna dad 83 onns da San Murezzan surdà suenter ch'ella aveva survegnì plirs telefons ord la Germania. L'um al telefon era sa dà ora sco policist ed ha pretendì da vulair proteger las valurs da facultad da la dunna.

Ils trais umens tudestgs da 19, 23 e 26 onns èn silsuenter vegnids arrestads da la polizia chantunala.

Tips encunter cugliunarias da questa sort:

  • Mussar disfidanza encunter terzs. Policists s'identifitgeschan cun unifurma ed attest da polizia. En cas da dubi dumandar suenter quest attest.
  • Questa sort da fraud vegn duvrada en differentas furmas. Ins na duai betg sa laschar persvader da retrair daners u autras valurs e surdar ad insatgi.
  • La polizia na dumonda betg suenter valurs da facultad per in deposit segir.
  • En cas da telefonaders dubius interrumper il discurs e contactar il numer d'urgenza 117.

RR novitads 12:00

Artitgels legids il pli savens