Siglir tar il cuntegn
cuntegn

Valladas talianas Armada terminescha l’acziun da stizzar la pli gronda dapi 20 onns

Suenter ch’il privel da fieu en il Mesauc ed en il Tessin è sa calmà, ha l’armada svizra chalà uffizialmain il glindesdi saira ses sustegn en connex cun ils fieus. Tenor il Departament federal da defensiun saja quai succedì suenter avair consultà ils chantuns Grischun e Tessin.

Dus schuldads observan in territori periclità da fieu
Legenda: Dus schuldads observan in territori periclità da fieu. MAD
In helicopter da l’armada svizra equipà cun in indriz per stizzar
Legenda: In helicopter da l’armada svizra equipà cun in indriz per stizzar. MAD

Dapi ils 28 da december aveva l’armada svizra sustegnì ils dus chantuns en lur cumbat cun ils fieus da guaud. Fin a set helicopters han gidà a stizzar ed han fatg sgols da controlla cun cameras per scuvrir fieus. Var 210 uras en ils helicopters sgulads, e quels han transportà en tut 2’400 tonnas aua. Durant set dis ha era ina gruppa da 24 schuldads gidà. Quels han controllà durant tut las 24 uras ils territoris periclitads da novs fieus e cuaditschs.

Quest’acziun da stizzar fieus en il Tessin ed en il Grischun saja stada la pli gronda dals davos 20 onns, scriva il Departament da defensiun.

RR novitads 18:00