Alpinist mora al Piz Badile en Bregaglia

In dals dus alpinists ha pudì vegnir salvà da la Rega.

Al Piz Badile en Bregaglia ha la Rega pudì salvar in alpinist. Il segund era gia mort.

Legenda da maletgs: Al Piz Badile en Bregaglia ha la Rega pudì salvar in alpinist. Il segund era gia mort. MAD, Polizia chantunala

Gia mardi saira ha la centrala da la Rega survegnì il telefon da dus alpinists polonais al Piz Badile en la Bregaglia. Ils dus alpinists n'hajan pervi da lur stancladad e cundiziuns malas da raiver betg pli pudì ir vinavant. L'aura n'ha dentant betg lubì in'acziun da salvament. Pir la gievgia en damaun ha la Rega pudì sgular e cuntanscher ils dus umens. Entant era in dad els gia mort.

RR novitads 10:00