Siglir tar il cuntegn

Valladas talianas A13: auto arda dal tuttafatg

In auto da persunas è ars dal tuttafatg la dumengia saira en il tunnel Landrüfe a Mesocco. Il giuven pèrin franzos era sin viadi a chasa ord l’Italia en direcziun Frantscha. Blessà n’è nagin vegnì.

L'auto brischà ora dal tut.
Legenda: Il traffic ha stuì vegnir svià per trais uras sin la via principala. poch

In pèrin franzos era da viadi ord las vacanzas da l’Italia en direcziun Frantscha. En il tunnel Landrüfe a Mesocco ha l’indicatur da la pressiun d’ieli glischà, lura han els immediat constatà fim.

Sco quai che la polizia chantunala scriva, haja il manischunz da 24 onns ch’è sez pumpier voluntari en Frantscha immediat empruvà da stizzar il fieu. Tuttina era l’auto entaifer curt temp en flommas. Ils pumpiers da la basa San Bernardino n'han betg pudì impedir che l'auto è ars dal tut. Durant trais uras è il traffic vegnì svià sin la via chantunala.

RR novitads 12:00