Siglir tar il cuntegn

Header

cuntegn

Valladas talianas A Lostallo è ina stalla da Nadal stada en flommas

Venderdi saira ha ina stalla da Nadal cumenzà ad arder a Lostallo. Ina dunna dad 85 onns ha stuì ir en l'ospital pervi d'ina tissientada da fim supponida.

Enturn las set la saira ha in um da 48 onns vulì passentar cun sia mamma dad 85 onns ina saira patgifica avant Nadal. Sco la Polizia chantunala scriva, ha l'um envidà ina chandaila tar la stalla da Nadal che steva sin ina pigna da crap. Suenter curt temp ha el realisà che quel ha brischà. Fin ch'ils pumpiers èn arrivads ha l'um empruvà da stizzar il fieu sezza.

Stizzà fieu en curt temp

Ils pumpiers da l'Alta Mesolcina èn arrivads cun 15 persunas ed han pudì stizzar il fieu en curt temp uschia ch'il fieu n'ha betg donnegià autras stanzas. La dunna è vegnida transportada cun l'ambulanza en l'ospital da Bellinzona pervi d'ina tissientada da fim supponida. Ils donns materials èn minimals.

RR novitads 14:00

Artitgels legids il pli savens