Siglir tar il cuntegn

Header

video
Bondo ha gronds plans
Or da RTR dals 28.11.2018.
laschar ir. Durada: 1 minuta 27 Secundas.
cuntegn

Valladas talianas 22 milliuns: Bondo ha gronds plans

Per 22 milliuns francs vegn la zona, ch'era vegnida destruida da las bovas a Bondo, reconstruida. Per anc dapli segirtad vegn investì en la via chantunala ed en punts novas.

A chaschun da la radunanza communala han ils responsabels infurmà davart ils plans futurs a Bondo. I duai dar trais novas punts ed ina rundella. La via chantunala vegn auzada per enfin dus meters. Uschia saja la vischnanca protegida en il futur anc meglier.

Ils custs da 22,3 milliuns vegnan repartids sin Confederaziun, chantun e vischnanca. La cumpart da la vischnanca Bregaglia è tar 6,9 milliuns francs. Las lavurs cumenzan l'onn 2020/21 e duran trais onns.

audio
Saira: Bondo: Investiziuns 2021-2024
ord Actualitad dals 28.11.2018.
laschar ir. Durada: 2 minutas 44 Secundas.

Piz Cengalo na vegn betg pli surveglià permanentamain

La Val Bondasca è e resta serrada. Cunquai ch'i n'ha dapi il settember betg pli dà moviment al Piz Cengalo, n'è quel betg pli vegnì surveglià quest enviern permanentamain. Ils indrizs d'alarm restan vinavant, uschia saja tenor ils responsabels la segirtad da la populaziun garantida vinavant .

RR actualitad 17:00

Artitgels legids il pli savens