Siglir tar il cuntegn

Header

cuntegn

Grischun Val Puschlav: 25 minutas senza electricitad

La mesemna damaun n'ha quasi l'entir Puschlav betg gì electricitad per 16 enfin 25 minutas. En intginas parts da Brusio ha l'interrupziun durà bunamain 100 minutas. Pertutgadas eran radund 3'500 clientas e clients.

Motiv per l'interrupziun è tenor il provedider d'energia Repower stà in disturbi tecnic, ch'i ha dà en connex cun ina midada da rait planisada. La midada era vegnida fatga per debostgar per lung da la lingia d'electricitad d'auta tensiun.

Questa lavur vegnia fatga per reducir il risico da disturbis entras plantas e roms che crodan pervia da la naiv sin la lingia d'electricitad, scriva la Repower en ina communicaziun a las medias.

RR novitads 15:00

Artitgels legids il pli savens