La seria d’infracziun ed enguladitschs è vegnida fatga tranter ils 11 da matg ed ils 17 da zercladur 2022. La Polizia chantunala grischuna ha arrestà ina dunna ed in um da mintgamai 36 onns. Els hajan per gronda part concedì ils delicts, sco che la polizia chantunala communitgescha. La dunna saja stada involvida en la gronda part dals passa 25 cas. Tranter auter èsi vegnì engulà raps or da cassas, rauba da valita e cartas da credit or da vehichels che n'eran betg serrads. Tar mintga cas sa tracti d'in donn da bun 100 francs.
Ils inculpads èn vegnids arrestads temporarmain e vegnan denunziads a la Procura publica dal Grischun.