Siglir tar il cuntegn
Inhalt

Grischun Ute Haferburg resta directura dal teater da Cuira

La fundaziun dal teater da Cuira ha prolungà il contract cun la directura, Ute Haferburg, per in onn fin la fin da la stagiun 2019/20.

Ute Haferburg
Legenda: La directura dal teater da Cuira, Ute Haferburg. RTR, archiv

Sco la fundaziun scriva, haja Haferburg giavischà quai. Haferburg è dapi il 2010 directura dal teater. Gia a chaschun da l’emprima prolungaziun dal contract, l’onn 2014, aveva ella ditg, ch’ella na veglia betg lavurar pli ditg che diesch onns en il medem teater - per evitar rutina. L’atun vegn la fundaziun a scriver or la plazza da direcziun e a metter en ina cumissiun per chattar ina candidata / in candidat per il post.

RR novitads 14:00