Uss èn els en 7 – la suprastanza da Segl crescha

Enturn la maisa da la suprastanza da Segl vegnan a seser en l’avegnir set commembers e betg pli mo tschintg sco fin qua.
La radunanza communala ha elegì sia nova suprastanza.

Grafica.

Legenda da maletgs: La suprastanza communala da Segl è creschida da tschintg sin set. RTR

Christian Meuli è vegnì reelegì sco president da la suprastanza. Nov en la suprastanza èn Franziska Muggli Ulber sco era ils dus anteriurs suppleants David Huber ed Alfred Breu.

Midada da la constituziun ha fatg liber la via

La fin d'avust aveva il suveran da Segl midà la constituziun e preparà il terren per augmentar il dumber da suprastants da tschintg sin set. La raschun per quest pass sajan las incumbensas supplementaras che sajan vegnidas tiers cun il midament tar la Regiun Malögia, ha ditg il president Christian Meuli.

Suprastanza da Segl per la perioda d’uffizi 2018-2020:

  • Christian Meuli, president
  • Claudio Dietrich vicepresident
  • David Huber
  • Nico Röthlisberger
  • Franziska Muggli Ulber
  • Heidi Clalüna
  • Alfred Breu

RR novitads 23:00+