Cun rumir il biro haja el cumenzà a leger quai e tschai che saja vegnì enta maun. Quai haja sveglià bleras regurdientschas, di Georg Brosi.
Lufs, urs, tschiervs, chavriels, chamutschs
El haja gì ina lavur pretensiusa - ma bella, resumescha Georg Brosi ses 17 onns sco schef da l'Uffizi da chatscha e pestga dal Grischun. Cler, en quest job na possian ins mai far endretg a tuts e cun quai stoppian ins emprender da viver.
Jau lasch enavos be ina trofea en biro - quella dal buc-capricorn.
Ses successur Adrian Arquint enconuscha Georg Brosi bain. Els hajan lavurà ensemen en la pratica da veterinari a Scuol avant blers onns.
Dapli temp per la dunna
Sche la lavur vegnia a mancar ad el, na sappia el anc betg. Quai vegnia a sa mussar. Georg Brosi vul dentant avair dapli temp per la dunna e la famiglia. Dentant era la chatscha haja vinavant plaz en sia vita: Finalmain haja el ussa temp da gidar a dumbrar selvaschina u dad ir sez a chatscha en Engiadina.
La bilantscha
RR actualitad 07.00