Che RTR è en chasa è vegnì communitgà a tut ils policists da l'hotel da tschintg stailas. Dal reminent: Il num da l'hotel na dastga betg vegnir numnà. Quai per motivs da segirezza. Per vegnir en l'hotel, ston tuts passar la controlla d'entrada. Tut quai che giaja en ed ora vegnia controllà, declera Gian Thom, il viceschef da segirezza da l'hotel.
Cura ch'ins è la finala en l'hotel, na sent'ins dentant betg pli bler da las mesiras da segirezza. Ils policists ageschan a moda decenta, dentant èn els posiziunads dapertut – era sch'ins na realisescha betg quai. Er cameras èn installadas dapertut. I saja ina gronda sfida dad avair tut sut controlla. Quai en emprima lingia la saira, cura ch' ils gronds eveniments hajan lieu e bleras persunas arrivian il mument.
RR actualitad 12:00