La ABB e la vischnanca da Tavaun èn partenaris per ina mobilitad persistenta cun tecnologia d'emprima qualitad svizra. Per il temp dal Forum mundial d'economia circuleschia a Tavau il bus da record mundial TOSA.
Tecnologia extraordinaria
La tecnologia da chargiar è vegnida sviluppada dad ABB. Tras quella possia la battaria dal bus vegnir chargiada en be 20 secundas – durant ch'ils passagiers entrian en il bus. La tecnologia da TOSA ha retschavì il premi d'energia svizzer 2018 «Watt d'Or».
Fin uss circuleschia il buc cun tecnica da record a Genevra. A Tavau vegnia a sa mussar sch'il bus funcziunia era sut cundiziuns d'enviern extremas.
Otg plazzas da chargiar per autos
Plinavant possian er autos electrics privats chargiar lur battarias vid otg plazzas da chargiar. L'infrastructura da chargiar è installada en lieus frequentads a Tavau.
RR novitads 15:00