Ulteriur Grischun - WEF 2015 quinta cun blers participants
En vista al privel d'ina ulteriura crisa da l'euro, han numerus schefs da stadi e regenza annunzià lur participaziun al Forum mundial d'economia WEF. Tants sco anc mai.
Era la chanceliera tudestga Angela Merkel è quest onn da la partida, uschia communitgescha il forum. En total vegnan spetgads 2'500 persunas da la politica, da l'economia, da la scienza e represchentants da diversas organisaziuns a Tavau.
Il 45avel WEF è dals 21 fin ils 24 da schaner, e stat quest onn sut il motto "il nov context global".