Siglir tar il cuntegn

Ulteriur Grischun Viv interess al plan d'areal Cuira vest

A Cuira è terminada l'exposiziun publica dal plan d'areal Cuira vest. L'interess saja stà grond, scriva la chanzlia da la citad.

l'areal cuira vest
Legenda: Tar il svilup da l'areal Cuira vest ha la citad integrà l'entschatta la populaziun en lavuratoris d'ideas. mad

Blers hajan nizzegià la pussaivladad da s'infurmar e da sclerir dumondas, scriva la chanzlia da la citad da Cuira. Radund 12 crititgas, remartgas u giavischs per midadas sajan vegnidas inoltradas. Dal cuntegn da las remartgas u criticas na po e vul la citad anc dir nagut. Suenter ch'il cussegl da la citad haja evaluà las remartgas e criticas – e tut tenor midà il plan – lura vegnia la publicitad infurmada.

gruppas da persunas vid maisas
Legenda: En lavuratoris aveva Cuira gia il 2013 clamà la populaziun da participar al svilup cun lur ideas. mad

Gia avant avevian mintgamai radund 200 persunas fatg part a las occurrenzas «Dialg Cuira Vest» per svilupar il quatier. Sco proxim va il plan cun las remartgas tar il cussegl da la citad ch'al deliberescha. Suenter ha la regenza d'approvar il plan d'areal.

RR novitads 16:00