Siglir tar il cuntegn

Header

Navigaziun

Purtret dals ierts da Schreber dasper la «Austrasse» a Cuira.
Legenda: Ils ierts da Schreber stuessan vegnir spustads intgins meters per pudair bajegiar il nov project «Vier Jahreszeiten». Keystone
cuntegn

Ulteriur Grischun Vischnanca burgaisa da Cuira po realisar surbajegiada

Cuira ha decidì da dar il credit da maximalmain 40 milliuns francs per la realisaziun dal project «Vier Jahreszeiten». Il project duai cumpigliar pliras abitaziuns da famiglias. Cun 77% ha la vischnanca burgaisa ditg gea al credit.

Il Cussegl da burgais da Cuira vul realisar in project per in bajetg d'abitaziuns. Quest bajetg vegniss fatg dasper l'Austrasse. Ils ierts da Schreber che sa chattan pil mument là stuvessan vegnir spustads per pudair bajegiar la chasa.

Set biros d'architectura èn vegnids preschentads al Cussegl dals burgais. Sa decidì è quel per il project «Vier Jahreszeiten» dal biro d'architectura da Bearth & Deplazes. Il project cumpiglia 24 abitaziuns da 3,5 stanzas, 60 abitaziuns da 4,5 stanzas e 12 da 5,5 stanzas.

Ils custs dal project giaschian tranter 35 enfin 40 milliuns francs. In terz dals custs vul la vischnanca burgaisa surpigliar sezza. Il rest duai vegnir finanzià entras esters.

RR novitads 14:00