El Signuradi datti l'elita dils vins Svizzers
Approvà quai han nov purs da vin dal Grischun avant curt a l'occurrenza «Matter of taste» a Turitg. La degustaziun è vegnida organisada dal guru da vin, Robert Parker, respectiv da ses magazin: «wine advocate».
A la degustaziun èn 450 vins vegnids preschentads. Ma be l'elita dals vins ha pudì sa participar. Robert Parker e ses team valiteschan ils vins tenor ina tabella da puncts maximal dat quai 100 puncts.
Preschents a la degustaziun e valitaziun eran sulettamain ils vins, che han survegnì 90 puncts e dapli. Ils vins dal Signuradi han tuts survegnì tranter 90 e 93 puncts, quai che vul dir «excellent».
Tut ils vins sur 96 puncts valan sco «extraordinaris». Ils vins cun puncts tranter 80 e 90 survegnan il titel «fitg bun». Quels dentar 70 e 79 «mediochers» e ils vins cun 50 fin 69 valan sco surproporziunal/schliats. Notas tranter 92 e 93 puncts survegnan ils vins da Georg Fromm, Malans, da Irene Grünenfelder, Jenins e da Christian Obrecht, Jenins.
Chattà en nos archiv:
RR actualitad 12:00