Siglir tar il cuntegn

Header

Navigaziun

La giugadura tscheca Barbora Krejcikova tar in gieu a Claustra.
Legenda: Victoria per Claustra-Serneus: il cussegl communal investescha per il champiunadi euroepic da juniors. (sil purtret: la giugadura Barbora Krejcikova, Republica Tscheca) Keystone
cuntegn

Ulteriur Grischun Victoria per Claustra-Serneus

Per pudair mantegnair ils champiunadis europeics da tennis dals juniors U18, ils European Junior Championships, en vischnanca, investescha Claustra-Serneus 300’000.- francs.

Cun ils 300’000 francs sanescha la vischnanca las 5 plazzas da tennis en il vitg. Quai ha decidì il cussegl da vischnanca unanimamain fa a savair la vischnanca.

Garanzia da Swiss Tennis per 3 onns

Grazia a quell’investiziun garantescha Swiss Tennis a Claustra-Serneus ch’ils campiunadis europeics han era lieu ils proxims 3 onns en il Partenz. En pli dat Swiss Tennis l’opziun da prolungar suenter anc ina giada per 2 ulteriurs onns.

Junior Championships sco factur economic

Ils European Junior Championships U18 han lieu quest onn per la 20avla giada. Els genereschan tenor in rapport al cussegl da vischnanca radund 2’000 pernottaziuns. La discussiun sche mantegnair il champiunadi da juniors a Claustra-Serneus u betg è vegnida fatga cun quai ch’il contract da collavuraziun cun Swiss Tennis era terminà sin il 2016.

RR novitads 14:00