Siglir tar il cuntegn

Ulteriur Grischun Uss èn las plantas grondas a Cuira a terra

Atgnamain aveva la citad da Cuira planisà da derscher pliras plantas a la via da la staziun il glindesdi.

Legenda: Guardar il video «Ina da las plantas vegn derschida a la via da la staziun a Cuira.». Durada 0:22 minutas.
Dals 25.08.2015.
Demonstrants cun umor: in placat sin ina da las plantas.
Legenda: Demonstrants cun umor: in placat sin ina da las plantas. RTR, H. Schär

En vista ad in’acziun da protest annunziada avevan ils responsabels dentant spustà quest termin per in di. Sco quai ch'il responsabel dal departament, Tom Leibundgut, aveva ditg ad RTR, n'hajan els betg vulì ir sin confruntaziun. La finala èn lura stadas 2 fin 3 persunas en il lieu per discutar cun Leibundgut.

16 plantas èn davent

Il mardi èsi lura tuttina stà uschè lunsch, il tagl da las totalmain 16 plantas è succedì sco planisà. Per quest intent è ina part da la via da la staziun stada serrada per tut il traffic ed era per ils peduns.

«gronda bahautscha,...»

Cura ch'igl era vegnì enconuschent che la citad veglia smerscher las plantas en la via da la staziun, avevi dà blers resuns en brevs da lecturs en las gasettas. Era Tom Leibundgut ha ditg, ch'el haja survegnì ina pluna e-mails. El haja respundì a tuts e declerà ils motivs per smerscher las plantas.