Siglir tar il cuntegn
Inhalt

Ulteriur Grischun Um sparì al Jakobshorn

A Tavau è sparì in giast d'in hotel dapi il glindesdi da Pasca. Perquai che ses telefonin è vegnì localisà sper las pistas al Jakobshorn èsi da temair che l'um è vegnì en ina lavina.

Vista sin ina cabina dal Jakobshorn e sin la citad da Tavau durant l'enviern.
Legenda: Pli probabel è l'um da 35 onns vegnì en ina lavina a l'ur da las pistas al Jakobshorn. Keystone

In'equipa dal club alpin svizzer ha cumenzà a tschertgar l’um, fin ussa dentant senza success. Sco quai che la polizia chantunala communitgescha haja l'um turitgais da 35 onns prendì ina chombra il venderdi sontg. Cura ch'el n'è betg partì il glindesdi e sia vestgadira da snowboard mancava ha il persunal da l’hotel alarmà la polizia.

RR novitads 15.00