Siglir tar il cuntegn

Header

cuntegn

Ulteriur Grischun Um da la Gronda Britannia gudogna avant Dretgira chantunala

In anteriur schuldà d’elita da la Gronda Britannia cumbatta quasi diesch onns per ina sentenzia. Il 2008 aveva l’um ch’ha oz 41 onns giu in grev accident cun skeleton sin la pista da bob e skeleton «Cresta» a Schlarigna/San Murezzan.

Gia per la terza giada s’occupa la Dretgira chantunala cun quest grev accident. L’ultima sentenzia aveva il Tribunal federal prendi perquai che la Dretgira chantunala n’aveva betg fatg ina tractativa a bucca. La Dretgira haja uschia cuntrafatg al dretg da sa defender, avevan ils derschaders a Losanna decis.

Stuì laschar amputar la chomma

L’um da 41 onn aveva giu il 2008 in accident sin la pista da bob Cresta da San Murezzan e stuì amputar sia chomma. El aveva pers la controlla sur dal skeleton ed era vegni sur la pista da bob ora. Alura era el collidà cun ina pitga gist dasper la pista. El aveva alura stuì laschar amputar la chomma. La Dretgira chantunala ha decis uss che la pitga avess stuì vegnir taxada sco privel, avant ch’in tal accident succedia.

Greva blessura corporala

Uss è il president dal club da skeleton englais a San Murezzan sco er il secretari dal club vegnids sentenziads a greva blessura corporala. Sco era ad in chasti da 1’000 francs ed ina indemnisaziun da 33’000 francs per l’um englais. La sentenzia po uss anc vegnir tratga avant Tribunal federal.

RR novitads 18:00

Artitgels legids il pli savens