Siglir tar il cuntegn
cuntegn

Ulteriur Grischun Ulteriur pass per ils plans per sanar il convict a Cuira

Il convict da la scola chantunala a Cuira duai survegnir in nov vestgì. La sanaziun duai cumenzar la stad 2018 e durar enfin l'onn 2020.

Il convict sin la spunda sur Cuira.
Legenda: Il convict sin la spunda sur Cuira. mad

Sch'il credit da 27,3 milliuns che la regenza ha approvà vegn er concedì dal Cussegl grond cumenzan las lavurs da sanaziun la stad 2018, quai communitgescha il chantun. L'interpresa Implenia Svizra SA ha survegnì l'incumbensa generala per sanar il bajetg ch'è dal 1968. Il convict dat dimora a radund 100 scolaras e scolars da la scola media grischuna. Durant la fasa da sanaziun vegn il manaschi dal convict dischlocà dal tuttafatg en in alloschi provisoric fin l'onn 2020.

Il Cussegl grond decida en la sessiun dal zercladur 2017 davart il credit.

RR novitads 11:00