Siglir tar il cuntegn
Inhalt

Ulteriur Grischun Uffant pitschen sa blessà grev tar accident d’auto

Tar in accident chaschunà sez sin l’A13 èn sa blessads la manischunza e ses uffant pitschen, ha communitgà la Polizia chantunala grischuna.

Vista sin in accident d'auto sin l'A13 sper Domat.
Legenda: L'auto è donnegià dal tuttafatg. Pocha GR

L’automobilista charrava da Reichenau en direcziun Cuira. Sin l’autezza da Domat è ella vegnida giu da la via ed ha rut atras la saiv da protecziun cunter la selvaschina. Suenter che l’auto è cupitgà pliras giadas è el stà airi sin in mantun da glera. La manischunza è sa blessada lev, ses uffant pitschen grev.

L’auto è vegnì donnegià dal tuttafatg. Durant las lavurs da salvament e da rumida era la via be charrabla d’in vial.