Ulteriur Grischun - Tut ils runals da Tschiertschen restan averts
Las pendicularas da Tschiertschen pon laschar avert tut lur runals. Quai ha il president dal cussegl d'administraziun Martin Weilenmann confermà ad RTR. Ils acziunaris surpiglian in deficit probabel la fin da la stagiun.
En in e-mail als acziunaris avevan las pendicularas dumandà sch’els fissan pronts da surpigliar in probabel deficit a la fin da la stagiun. Bun 70% dals acziunaris che han respundì, èn sa declerads pronts da gidar a finanziar las pendicularas cun ina donaziun sche quai avess da resultar in deficit.
Pervi da la mancanza da naiv è la svieuta da l'interpresa stada uschè bassa ch'ils responsabels avevan ponderà da serrar singuls runals.
