Siglir tar il cuntegn
cuntegn

Ulteriur Grischun Tumein survegn nova plazza communala

«Adia parcadis!» – quai pon dir ils da Tumein definitivamain. La regenza grischuna ha approvà la midada da la planisaziun locala. Amez il vitg vegn quai uschia a dar ina nova plazza communala, cun ina chasa da pliras famiglias, in'ustaria ed ina garascha sutterrana.

Uschia duai guardar or la nova plazza communala da Tumein (visualisaziun).
Legenda: Uschia duai guardar or la nova plazza communala da Tumein (visualisaziun). Schneller Caminada Architekten

La vischnanca da Tumein po construir la nova plazza dal vitg ch'è stada dispitaivla. La regenza grischuna ha approvà la midada da la planisaziun locala.

Er durant la notg duai il nov spazi public sa preschentar en ses meglier costum (visualisaziun).
Legenda: Er durant la notg duai il nov spazi public sa preschentar en ses meglier costum (visualisaziun). Schneller Caminada Architekten

Actualmain sa preschenta la plazza sco surfatscha da traffic cun plazzas da parcar. Il project prevesa ussa d'augmentar la valur da quella sco center dal vitg, sco il chantun scriva.Tranter auter èsi previs da construir ina chasa da pliras famiglias, in'ustaria ed ina garascha sutterana cun 50 parcadis.

Decisiun communala era stretga

In'utilisaziun publica dal plaunterren duai dar vita a la plazza. Quella vegn er accentuada architectonicamain cun structurar il sochel, che dat vers la plazza, cun arcadas.

Mez settember avevan ils da Tumein ditg gea al project, quai però be cun ina pitschna maioritad da 113 cunter 109 vuschs

RR novitads 12:00