Siglir tar il cuntegn
Inhalt

Ulteriur Grischun Tumein: Camiunist è sa blessà tar accident

A Tumein n’è mardi in camiun betg vegnì sut ina punt ora ed è alura stà bloccà cun la crana sut la punt. L’um ha stuì vegnir ospitalisà cun blessuras mez grevas.

Camiun che vegn salvà.
Legenda: La via dal vitg da Tumein ha stuì vegnir serrada per var trais uras. mad

Il camiunist è guidà var las 9:50 da Tumein sin la via dal vitg da Tumein en direcziun La Punt/Reichenau. Il camiun n'è betg vegnì sut ina punt ora ed è alura stà bloccà cun la crana sut la punt. Ils pumpiers da Flem e Cuira han pudì liberar il camiunist da 50 onns cun in telescop da salvament.

L’um ha stuì vegnir ospitalisà cun blessuras mez grevas, scriva la polizia chantunala. La punt è vegnida donnegiada be lev, il camiun ha in donn total.

Durant las lavurs da rumida ha la via si en il vitg da Tumein stuì vegnir serrada per radund trais uras.

RR novitads 14:00