Siglir tar il cuntegn

Ulteriur Grischun Trimmis: Reacziuns calmas davart requirents d’asil

A la saira d’infurmaziuns a Trimmis han ils visitaders reagì calm sin las respostas dals uffizials chantunals.

Ils da Trimmis han tadlà cun ureglias avertas las infurmaziuns dals uffizials. Davotiers avant il publicum en ina sala da gimnastica stat il Cusseglier guvernativ Christian Rathgeb
Legenda: Ils da Trimmis han tadlà cun ureglias avertas las infurmaziuns dals uffizials RTR, F. Caduff

La regenza e l'Uffizi da migraziun dal chantun Grischun han infurmà il venderdi saira la populaziun davart il nov center d'asil en l’anteriur hotel Bahnhof. Ils emprims requirents d’asil vegnan spetgads il matg 2016. Il center porscha plaz per 120 persunas.

Ils abitants da Trimmis han tadlà cun ureglias avertas ed han suenter fatg lur dumondas e confruntà la regenza cun lur temas. Els èn sa mussads fitg solidarics.

Per l'uffizi chantunal che s'occuppa dals centers per requirents d'asil è quella saira d'infurmaziuns stada mo ina tranter pliras. Ins sentia plaunet il squitsch sin il persunal da l'uffizi. Quai conferma il schef dal departament da giustia, segirezza e sanadad.