Siglir tar il cuntegn

Header

Navigaziun

La chasa communala da Trimmis
Legenda: Nua ch'i vegn lavurà datti magari sbagls. Da quai è pertutgà questa giada Trimmis. RTR, Hugo Schär
cuntegn

Ulteriur Grischun Trimmis ha dumbrà fauss las vuschs

Sbagl da quintar a Trimmis tar las elecziuns en la regenza. La vischnanca da domicil da Walter Schlegel ha communitgà ch’il candidat Jon Domenic Parolini haja survegnì dapli vuschs e Walter Schlegel pli paucas che communitgà dumengia passada.

Tge che saja capità exact na po il president communal, Roman Hug, anc betg dir. Conceder possia el dentant che Parolini haja fatg a Trimmis dapli vuschs che publitgà la dumengia e Schlegel pli paucas. La differenza da vuschs vegnia perquai a sa midar, uschia Hug.

Il mument dumbra il chantun las vuschs da Parolini e Schlegel per la segunda giada. Il resultat final e definitiv vegn quintà sin venderdi.

Tenor la dumbraziun en l'entir chantun da la dumengia passada ha Jon Domenic Parolini fatg 15'904 vuschs e Walter Schlegel 15'836.

RR novitads 17:00