Siglir tar il cuntegn
Inhalt

Ulteriur Grischun Trenament da lavinas amez il vitg

A Claustra è vegnì avert la sonda in center da trenament per salvament da lavinas. Tgi che vul sa ir amez il vitg ad exercitar co ir enturn cun apparats da tschertgar persunas ch’èn vegnidas en ina lavina.

Manuel Genswein
Legenda: L’expert da lavinas Manuel Genswein ha installà il center da trenament a Claustra. RTR, Gian Carlo Candinas

Tranter 50 e 60 persunas èn stadas da la partida tar l’avertura. Oravant tut era commembers dal Club alpin svizzer (SAC). Il center da trenament saja dentant insatge per in e scadin, betg mo per profis, declera Manuel Genswein, expert da lavinas e la persuna che ha installà il center a Claustra. Sin il terren èn installads 16 sensurs. Quels sensurs san vegnir activai e cun l’agen apparat da tschertgar persunas ir a la tschertga dals sensurs. Quels sensurs simuleschan persunas.

Simular la situaziun al culm?

En uschia in center vegnan ins fitg datiers a la realitad. Dentant mo quai che pertutga la tschertga d’ina persuna. Ins sappia betg trenar da chavar ora ina persuna. La finamira saja da mussar co ins giaja enturn correctamain cun l’apparat da tschertgar.

Quai che pertutga il chattar vegnan ins en uschia in center fitg datiers a la realitad.
Autur: Manuel Gensweinexpert da lavinas

In center da salvament amez il vitg ha numerus avantatgs. Da principi saja quai il meglier lieu, manegia Manuel Genswein. Ins sappia vegnir fitg spert al lieu ed il sforz saja pigns. Plinavant sa il center amez il vitg è vegni duvrads da mal’aura senza problems.

RR novitads 08:00