Siglir tar il cuntegn
Inhalt

Ulteriur Grischun Tren svià tranter Cuira ed Arosa

La lingia da tren è stada interrutta fin suenter las 18:00. Tranter Cuira e St.Peter-Molinis curseschan bus.

Tranter Cuira e St.Peter-Molinis curseschan bus.
Legenda: Tranter Cuira e St.Peter-Molinis curseschan bus. RTR, Dominik Hardegger

Tranter Cuira e la staziun da St.Peter-Molinis è svià la dumengia suenter mezdi in char da tren da la Viafier retica. En il tren ch'era sin via da Cuira ad Arosa sa chattavan tenor indicaziuns da la Viafier retica tranter 50 e 60 persunas. Naginas persunas sajan vegnidas blessadas.

Bus remplazzan il tren

Ils passagiers hajan pudì midar dals davos chars en il tren ad autotracziun che tirava la cumposiziun da tren. Ils vaguns bloccads han uschia pudì vegnir pendids giu e laschads enavos. La part intacta dal tren ha pudì cuntinuar il viadi vers Arosa.

Fin che la lingia da tren è puspè libra curseschan bus tranter Cuira e St.Peter-Molinis. L'interrupziun ha cuzzà fin suenter las 18:00.

RR novitads 14:00