Siglir tar il cuntegn

Ulteriur Grischun Trais collisiuns da chadaina quasi il medem mument

Sonda saira hai dà aifer curt temp trais accidents sin l'autostrada A13 en la vischinanza dal tunnel Isla Bella.

En las trais collisiuns da chadaina èn mintgamai stads involvids trais autos. Tenor la Polizia chantunala n'han ils trais accidents betg gì ina raschun cuminaivla.

Ina persuna è vegnida blessada levamain, ha dentant gia pudì bandunar l'ospital.
En consequenza dals accidents è l'autostrada A13 stada serrada pli ditg. Il sviament dal traffic spess sin la via chantunala ha manà a colonnas.

RR novitads 11:00