Siglir tar il cuntegn
Inhalt

Ulteriur Grischun Thomas Kundert daventa nov CEO da la chasa editura Somedia

El daventa successur dad Andrea Masüger che sa retira suenter otg onns a la testa.

Andrea Masüger e Thomas Kundert.
Legenda: Andrea Masüger e Thomas Kundert. RTR, Gion Gieri Flepp

Thomas Kundert era fin ussa manader da la partiziun reclama e fiera d'utilisaders. Il Glarunais è dapi 20 onns tar la Somedia, ch'edescha tranter auter La Quotidiana, la Südostschweiz ed il Bündner Tagblatt. El entschaiva sia plazza il prim da fanadur da l'auter onn.

Andrea Masüger ch’è bunamain stà sia entira vita professiunala - bun 40 onns tar la Somedia resta tar la chasa da medias sco commember dal cussegl d’administraziun e publicist.

Susanne Lebrument da nov delegada dal cussegl d'administraziun

La figlia da l'editur Hanspeter Lebrument, Susanne Lebrument, surprenda medemamain il fanadur 2018 la funcziun sco delegada dal cussegl d'administraziun. Ses frar Silvio Lebrument resta vicepresident dal cussegl d'administraziun e manader dalla sparta medias. Cumplettada vegn la direcziun da Tarcisi Hendry e Christian Berther. Hanspeter Lebrument resta president dal cussegl d'administraziun ed editur da la Somedia.

RR novitads 11:30