Siglir tar il cuntegn

Header

cuntegn

Ulteriur Grischun Tge fan ils lufs dal Calanda?

La primavaira è arrivada. Il sulegl splendura, las temperaturas èn agreablas, ils utschels chantinan. Utschels, chavriels e tschiervs n'èn dentant betg ils sulets animals ch'ins po entupar en il guaud, era ils lufs fan il barlot, surtut en la Vallada dal Rain da Cuira.

Il chantun surveglia ils lufs, dentant restan ina massa dumondas avertas. Per exempel quants lufs che tutgan il mument tar il triep dal Calanda. Quai na sa Georg Brosi, l'inspectur da l'Uffizi da chatscha grischun, betg exact. El schazegia ch'ì saja radund 10. Enconuschent è il territori dal triep. Da Landquart enfin Flem ed era Razén e Panaduz.

Lufs pitschens

Gia 3 giadas hai dà lufs pitschens, passa 1 tozzel chagniels. Sch'i dat era quest onn pitschens, n'è betg cler, quai vesian ins lura pir la stad, di Brosi.

Factur da stress

Per la selvaschina èn ils lufs natiralmain in factur da stress, dentant è il territori grond avunda, uschia ch'ì dat avunda selvaschina.

Betg pavlar ils lufs

In problem èsi dentant, sch'ils lufs vegnan memia datiers dals vitgs. Perquai admonescha Brosi da betg pavlar ils lufs, mo perquai ch'ins less fotografar els. Uschè ditg ch'ils lufs restian selvadis e temian ils carstgauns, na stoppian ils carstgauns betg temair ils lufs.

audio
Bunura: Situaziun dals lufs en il Grischun
ord Actualitad dals 14.04.2015.
laschar ir. Durada: 3 minutas 48 Secundas.

Artitgels legids il pli savens