Siglir tar il cuntegn
Inhalt

Ulteriur Grischun Tempo 30 en conturn da l’ospital

En connex cun las lavurs vid l’ospital chantunal è vegnì introducì tempo 30 sin la via Loë, quai sin in tschancun da 500 meters. Sco quai che la chanzlia da Cuira scriva saja quai in’emprova per in onn.

tempo 30
Legenda: Maletg simbolic Keystone

Ins veglia augmentar la segirtad per ils scolars. Damai ch’i sa tractia qua tar il pli grond plazzal en la citad saja l’aspect da la segirtad fitg impurtant.

Emprova per in onn

L’emprova da tempo 30 cuzzia in onn e saja vegnida publitgada ils 19 da december 2014. Sche la zona da tempo 30 resta durant l’entir temps da la construcziun da l’ospital vegnia ina controlla supplementara a mussar. La zona da tempo 30 vegnia abolida sin il pli tard cur che las lavurs per il nov ospital chantunal sajan terminadas communitgescha la chanzlia