Siglir tar il cuntegn
Inhalt

Ulteriur Grischun Team da Cuira tranter ils megliers 10 dal mund

Al campiunadi mundial dals constructurs da roboters en il Giapun è il team da la Scola chantunala grischuna vegnì 10avel.

Il team da quatter scolars e dus coachs ha gì da dar gieus da ballape cun lur roboters. Suenter intgins problems tecnics al cumenzament dal campiunadi han ils quatter scolars gudagnà trais gieus, fatg duas giadas in pari e pers dus gieus.

Quai ha la finala tanschì per il 10avel plaz da 22. En tut èn 22 teams da 21 differentas naziuns sa mesiradas al campiunadi mundial dals constructurs da roboters a Nagoya en il Giapun.