Sco lieu per il plan B saja crudà la citad da Montreux, uschia Caviezel. La raschun per la midada pussaivla saja in augment exagerà dals pretschs. Schebain i vegn però propi uschè lunsch, n'è betg segir.
Elecziun da Montreux n'è betg confermada
Tar il WEF sez hai sulettamain num ch'ins evalueschi en tut las spartas permanentamain tuttas eventualitads per uschia avair in’opziun en in cas d’urgenza. Che l'elecziun saja crudada sin Montreux n'han ils organisaturs ni confermà ni dementì.
Tavau sto far ses pensums da chasa.
Sut ils pensums da chasa chapescha Branschi la tematica negaticva dals pretschs che procura mintg'onn per discussiuns. Il WEF vegnia anc adina vesì sco vatga da latg. In represchentant dal WEF saja sa lamentà tar el ch'enant schizunt ils possessurs d'abitaziuns dublegian lur pretschs durant il WEF.
Tavau stat en contractivas
Il mument marschan las tractativas da contract tranter ils responsabels per il WEF a Tavau ed il WEF per l'organisaziun da l'inscunter annual dal 2019 fin il 2021. En quest temp croda er il giubileum da 50 onns WEF. «Tavau vegn a far tut per ch'il WEF na volva betg il dies a nus», uschia Tarzisius Caviezel. Latiers tutgia er da mussar si la muntada dal WEF cun in'ocurrenza publica.
RR novitads 06:00