Siglir tar il cuntegn
Inhalt

Ulteriur Grischun Tavau: Skiunz vegn sut maschina da pista

A Tavau èsi vegni il venderdi saira tar ina collisiun d’in skiunz cun ina maschina da pista. Il skiunz è vegnì blessà mezgrev. Quai ha la polizia chantunala communitgà.

La maschina da pista dal accident.
Legenda: Tar l'accident charrava la maschina da pista enavos sur ina punt. MAD / Polizia chantunala

Sco la polizia chantunala scriva eri l’um da 51 onns sin pista curt suenter las sis – e cunquai suenter la davosa controlla da pistas. L'um saja vegnì cun ina gruppa giu dal Jakobshorn. Alura saja el collidà cun ina maschina da pista. Il skiunz è vegnì sut las raupas.

El è sa blessà vid las chommas ed ils chaluns. La maschina da pista era en quest lieu ida enavos sur in punt ora per pudair stuschar en naiv. La polizia investighescha uss en chaussa.

RR novitads 15:00