Ils 24 da settember ha il suveran decidì d'approvar il credit per sanar il stadion da glatsch a Tavau. Pervi da quai crescha il volumen per las investiziuns ils proxims dus onns. Da 24 milliuns francs l'onn 2017 sin 30,6 milliuns ils 2018. Era ils 2019 vegn quintà cun in budget da 34 milliuns francs. Là èn dasper il stadion era anc da quintar investiziuns per la chasa da parcar Arkaden e l'engrondiment da la chasa da scola Bünda. A partir dal 2020 duess il budget lura puspè sa reducir sin il stan avant il 2018.
En il budget dal 2018 quinta la vischnanca perquai cun ina sperdita. Pervi da la prefinanziaziun dals onns precedents e las reservas da liquiditad ed il dabun tar il chantun na duessan ils debits betg s'auzar.
RR novitads 14:00