Durant las lavurs da transportar davent il material dal lift en territori fitg stip è la maschina glischnada ed alura cupitgada pliras giadas da la spunda giu. L’um è durant l’accident crudà ord da la cabina. In collega da lavur che ha observà l’accident ha pudì alarmar la REGA. Ils medis han alura sulet pli pudì constatar la mort dal um da 35 onns.
La polizia chantunala e la procura publica han instradà investigaziuns per sclerir pertge che l’accident è capità.
RR novitads 15:00