Siglir tar il cuntegn
Inhalt

Ulteriur Grischun Serrà giu process cunter manader da turas da skis

La procura publica grischuna ha sistì la procedura penala pervi da mazzament per negligientscha cunter in manader da turas da skis. L’accident da lavinas era il pli grond dal enviern 2014/2015 en Svizra cun 5 persunas mortas d’ina gruppa dal chantun Argovia.

Ina lavina.
Legenda: La lavina sin la spunda ost dal Vilan aveva custà la vita a 5 persunas. (maletg simbolic) Keystone

Ils 31 da schaner 2015 I sa tracta d'in accident da lavinas la fin da schaner 2015 al Vilan. Ina gruppa da skiunz era vegnida en ina lavina, 5 da las 9 persunas d’ina gruppa ord il chantun Argovia eran mortas. Vigur legala n’ha la decisiun anc betg.

Manà la tura gratuitamain

L’accident era tenor la procura publica durant ina tura ch’il manader manava gratuitamain per il Club alpin svizzer (CAS). Tut ils participants da la gruppa eran alpinists versads e commembers dal CAS. Il manader da la tura ch’è partì sco emprim n’era betg vegni sut la lavina, sco sulet da la gruppa da nov persunas.

Dus experts dal Institut da naiv e lavinas a Tavau

Per pudair sclerir exact l’accident da lavina ed il cumpartiment dal manader da turas ha la procura publica dumandà cussegl dus experts dal Institut da naiv e lavinas a Tavau. Il rapport era vegni inoltrà l’avrigl 2017. Era èn pliras persunas ch’eran s’annunziadas sco perditgas e datas da GPS sco fotos vegnidas examinadas da la procura publica.

RR novitads 12:00