Siglir tar il cuntegn
cuntegn

Ulteriur Grischun Segirtad anc dapli en il focus al WEF 2015

En bun in'emna è Tavau puspè il Mekka dall'economia, almain per ils 4 dis durant il forum economic mundial. 2'500 hosps ord la politica ed economia vegnan spetgads. Quai pretenda onn per onn in grond sforz per garantir la segirtad dils participonts.

Tavau cun polizists e lur chauns.
Legenda: Era quest onn ha la polizia e l'armada l'incumbensa da proteger ils giasts dal WEF. RTR, R. Mühlemann

Quest onn è la sensibilitad per la segirtad anc pli auta ch'uschiglio suenter l'attatga terroristica a Paris. Per il dispositiv a Tavau n'haja quai dentant nagin'influenza, uschia ha rapportà RTR.

Valitar la situaziun

Tar las persunas fitg impurtantas vegni dentant anc valità la situaziun individualmain, quai tenor il directur da segirtad dal chantun Grischun, Christian Rathgeb. Ina da las persunas che vegn ad esser specialmain en il focus pertutgant la segirtad è tranter auter era il president dalla Frantscha, François Hollande.Il forum d'economia dura dals 21 enfin ils 24 da schaner.

RR Actualitad la saira 17:00