Fin che la lescha da bajegiar è revedida sistescha la vischnanca da Seewis en il Partenz tut las dumondas per indrizs da telefonia mobila. A la radunanza communala dad ier saira han ils da Seewis approvà unanimamain ina tala iniziativa. Quella pretenda da la suprastanza communala da surlavurar la lescha da bajegiar areguard indrizs da telefonia mobila. L'iniziativa era vegnida inoltrada cun 91 suttascripziuns valaivlas.
Ina segunda iniziativa ha il suveran refusà cleramain. Quella vuleva organisar da nov il rumir naiv.
Plinavant han ils da Seewis approvà unanim il quint 2018. Quel serra cun in surpli da passa 128milli francs.
RR novitads 06:00