Siglir tar il cuntegn

Header

Navigaziun

pliras persunas en il local da la scolina via da Calanda Cuira
Legenda: Geniturs e persunas interessadas èn stadas a l'avertura da la scolina. RTR, S.Bundi
cuntegn

Ulteriur Grischun Scolina da «null-energia» a Cuira

En la via da Calanda a Cuira datti l'emprima scolina da null-energia da la Svizra. Vul dir: La scolina producescha sezza l'energia ch'ella dovra cun agid da l'energia dal sulegl. Dal tut desister da l'energia d' ordaifer na po ella dentant betg.

L'enviern prenda ella energia dal stgaudament da pellets dal bajetg dasperas. Persuenter dat la scolina enavos l'energia restanta ch'ella pren or dal sulegl la stad e na drova betg.

Al di dallas portas avertas han geniturs ed uffants pudì guardar ed examinar la nova scolina cun plazza da gieus. I ha dà tant laud sco er critica. Las stanzas grondas e cleras plaschan bain, la plazza da gieus saja dentant memia pitschna per tut ils uffants.