Tenor la tgira da monuments grischuna è il bajetg degn da vegnir protegì. Dentant ha il bajetg intginas mancanzas considerablas che influenzeschan l'utilisaziun e la segirtad.
Cun l'extensiun da la scola primara è la sanaziun da la chasa da scola veglia gia pli ditg in tema. Las lavurs da sanaziun duajan entschaiver l'atun 2018. Ils 4 da mars 2018 vegn decidì definitivamain davart la sanaziun.
Plinavant ha il suveran da Landquart approvà unanim il preventiv 2018 che quinta cun in gudogn da 100'000 francs tar entradas totalas da 39,7 milliuns francs. La radunanza ha dentant refusà la proposta da sbassar il pe da taglia da 95% sin 90%. La raschun è che la vischnanca planiseschia investiziuns da radund 45 milliuns francs en ils proxims quatter onns.
RR novitads 07:00