Danovamain è l'ustaria Schloss Schauenstein dad Andreas Caminada tranter las meglras 50 ustarias dal mund. Quai resorta da la glista da rangaziun da «The world's 50 best restaurants» 2018. Andreas Caminada è sin posiziun 47 ed è la suletta ustaria svizra sin la glista. Caminada n'è betg per l'emprima giada sin questa glista. Sco meglier restaurant dal mund ha la giuria elegì l'Osteria Francescana a Modena en l'Italia che Massimo Bottura maina.
Restaurants da 23 differents pajais
Tranter las 50 meglras ustarias èsi restaurants ord 23 differents pajais da sis continents. Ils blers locals eran gia avant sin la glista.
RR novitads 12:00